പഴയകുന്നുമേല് മാര്ക്കറ്റില് ബയോടെക് ഖര ജൈവ മാലിന്യ സംസ്ക്കരണ പ്ലാൻ്റ് സ്ഥാപിച്ചു.
ബയോടെക്കിൻ്റെ സാങ്കേതിക സഹായത്താല് പഴയ കുന്നുമ്മേല് പബ്ലിക് മാര്കറ്റില് നിര്മ്മിച്ച ഖര ജൈവ മാലിന്യ സംസ്ക്കരണ വൈദ്യുതി ഉത്പാദന പ്ലാൻ്റ് ബഹു. അഡ്വ. ശ്രീ. എ. സമ്പത്ത് എം.പി, ഉല്ഘാടനം ചെയ്തു. അഡ്വ. ശ്രീ. എന് രാജന് എം.എല്.എ യുടെ അദ്ധ്യക്ഷതയില് കൂടിയ യോഗത്തില് പഴയകുന്നുമ്മേല് ഗ്രാമ പഞ്ചായത്ത് പ്രസിഡണ്ട് ശ്രീ. ബി.പി. മുരളി മുഖ്യ പ്രഭാഷണം നടത്തി.
പഴയകുന്നുമ്മേല് ഗ്രാമ പഞ്ചായത്തിൻ്റെ ആഭിമുഖ്യത്തില് 10 ലക്ഷം രൂപ മുതല് മുടക്കി നിര്മ്മിച്ച ഈ പ്ലാൻ്റില് പ്രതിദിനം 250 കി.ഗ്രാം അഴുകുന്ന മാലിന്യങ്ങള് പരിസ്ഥിതിക്ക് ഇണങ്ങിയ രീതിയില് സംസ്ക്കരിക്കുന്നതോടൊപ്പം ഇവിടുത്തെ മാര്ക്കറ്റില് സ്ഥാപിച്ചിരിക്കുന്ന അന്പതോളം സി.എഫ് ലാമ്പുകള് കത്തിക്കുകയും ചെയ്യും. 3. കി.വി വൈദ്യുതിയാണ് ഇത്തരത്തില് ഉല്പാദിപ്പിക്കുക. പ്ലാൻ്റിനോടനുബന്ധിച്ചുള്ള പ്രീ ഡൈജസ്റ്റര്, പ്രീ കണ്ടീഷണര്, ഗ്യാസ് ഫില്ട്ടര്, റീസയ്ക്ലിങ്ങ് പമ്പ് എന്നിവ പ്രവര്ത്തിക്കുവാനാവശ്യമായ വൈദ്യുതിയും പ്ലാൻ്റില് നിന്നുതന്നെ ലഭ്യമാവുന്നു. മാലിന്യ സംസ്ക്കരണശേഷം പ്ലാൻ്റിനു പുറത്തു വരുന്ന ജലം പ്ലാൻ്റിൻ്റെ പ്രവര്ത്തനങ്ങള്ക്ക് പുനരുപയോഗം ചെയ്യാവുന്ന നൂതന പദ്ധതിയും ഇവിടെ നടപ്പാക്കിയിട്ടുണ്ട്.
Comments
Post a Comment