ബയോടെക് ഗാര്‍ഹിക പാചക വാതക പ്ലാന്റ് കവടിയാര്‍ കൊട്ടാരത്തിലും
ബ യോടെക്കിന്റെ ഗാര്‍ഹിക പാചക വാതക പ്ലാന്റ് തിരുവനന്തപുരത്തെ കവടിയാര്‍ കൊട്ടാരത്തിലും സ്ഥാപിതമായി. ഗാര്‍ഹികമായി ദിനം പ്രതി ഉണ്ടാവുന്ന ജൈവ മാലിന്യത്തില്‍ നിന്നും പാചകത്തിനാവശ്യമായ പാചക വാതകം ഉല്പാദിപ്പിക്കുവാന്‍ ഈ പ്ലാന്റിന് കഴിയും. കഴിഞ്ഞ ആഴ്ച നിര്‍മ്മാണം പൂര്‍ത്തിയാക്കിയ പ്ലാന്റിന്റെ പ്രവര്‍ത്തനോല്‍ഘാടനം ഇപ്പോഴത്തെ രാജകുമാരനായ ശ്രീ. ആദിത്യ വര്‍മ്മ ഇളയരാജ നിര്‍‌വ്വഹിച്ചു. ജൂണ്‍ 24-ന് കൊട്ടാരത്തില്‍ നടന്ന ഉല്‍ഘാടന ചടങ്ങില്‍ ബയോടെക് ഡയറക്ടര്‍ ശ്രീ. എ. സജിദാസും, മറ്റ് ബയോടെക് പ്രതിനിധികളും പങ്കെടുത്തു. 4 കു.മീ. പാചക വാതക ഉല്പാദനശേഷിയുള്ള ബയോഗ്യാസ് പ്ലാന്റാണ് കൊട്ടാരത്തില്‍ സ്ഥാപിച്ചിരിക്കുന്നത്.
